پی سی بی نے دورہ انگلینڈ کےلئے پلاننگ میں تبدیلی کردی

پہلے مرحلے میں مثبت نتائج آنے والے 10 کھلاڑیوں اور منیجمنٹ کے ایک رکن کا دوسرا کوویڈ 19 ٹیسٹ 26 جون بروز جمعہ کو ہوگا۔ذرائع کےمطابق پی سی بی نے دورہ انگلینڈ روانگی سےقبل دو منفی ٹیسٹ کی شرط میں تبدیلی کی ہے۔ اور اس ٹیسٹ میں منفی آنےوالے کھلاڑی بھی دورہ انگلینڈ کا ٹکٹ کٹالیں گے۔ اس سے قبل پی سی بی کے ڈاکٹرسہیل سلیم نے اپنے بیان میں کہاتھا کہ دورہ انگلینڈ سے قبل روانگی کےلئے کھلاڑیوں کا دو مرتبہ کورونا ٹیسٹ منفی آنا لازمی ہوگا۔ لیکن پہلی مرتبہ ٹیسٹ میں مثبت آنے والے کھلاڑیوں کو اب کل ہونے والے ٹیسٹ میں منفی آنے پر بھی انگلینڈ بھیجنے کا فیصلہ کرلیا گیا ہے ۔۔۔ قومی اسکواڈ ستائیس جون کو انگلینڈ روانہ ہوگا۔