ورلڈکپ2011 فائنل میں فکسنگ ہوئی، وزیرکھیل ڈٹ گئے

سری لنکا کےسابق وزیرکھیل ماہندانا الوتھ گماگے نے آئی سی سی کو ورلڈکپ دوہزارگیارہ فائنل میں فکسنگ کےثبوت دینے کی پیشکش کی ہے۔۔۔۔دوہزارگیارہ میں سری لنکا کےوزیرکھیل رہنےوالے ماہندانا الوتھ گماگے نے فکسنگ سےمتعلق پھربیان دیا ہے۔ انہوں نےورلڈکپ فائنل میں فکسنگ کےثبوت آئی سی سی کو دینے کی پیشکش کرنے کےساتھ سری لنکا کےصدر سےمطالبہ کیا ہے وہ مداخلت کرکے آئی سی سی سےکیس دوبارہ کھلوائیں۔ سابق سری لنکن وزیرکھیل کےمطابق طاقتور لوگ تحقیقات روکوانے کےلئے بہت پیسہ خرچ کررہے ہیں اور پولیس درست طریقہ سےمعاملے کی تحقیقات نہیں کرسکی ہے۔ ماہندانا الوتھ گماگے کےالزامات پرموجودہ وزیرکھیل نے تحقیقات کےلئے پولیس کا خصوصی انویسٹی گیشن ڈویژن تشکیل دیا تھا۔ تاہم گزشتہ روز پولیس نےعدم شواہد کےباعث انکوائری ختم کردی تھی۔