کرکٹرز صحتیاب، کورونا ایس او پیز پر عمل کی ہدایت

کراچی میں جاری قائد اعظم ٹرافی میچز کے دوران سندھ ٹیم کے چند پلیئرز بخار میں مبتلا ہوگئے تھے۔ جن میں سرفراز احمد ، اسدشفیق ، میرحمزہ سمیت چند مزید کرکٹرز تھے۔ کھلاڑیوں نے بخار کی حالت میں ہی میچ کھیلا۔ پی سی بی ترجمان کا کہنا ہے کہ کھلاڑیوں کو وائرل فیور ہوا تھا جس سے انہوں نے چھٹکارا بھی پا لیا ہے۔ پاکستان میں کورونا کی دوسری لہر کے باعث مریضوں کی تعداد میں اضافہ ہورہا ہے۔ پی سی بی کھلاڑیوں اور آفیشلز کو محتاط رہنے کے ساتھ ایس او پیز پر سختی سے عملدرآمد کی ہدایت کی ہے۔