دورہ نیوزی لینڈ پرکپتان کون ؟ پی سی بی اجلاس میں فیصلہ متوقع

پاکستان کرکٹ بورڈ کے بورڈ آف گورنرز کا انسٹھ واں اجلاس پیر کو نیشنل ہائی پرفارمنس سینٹر لاہور میں منعقد ہوگا۔۔ پی سی بی کے مطابق بی او جی کے اجلاس میں مالی سال دوہزار بیس اور انیس کے آڈٹ شدہ اکاؤنٹس کی منظوری لی جائے گی ۔۔۔ اجلاس میں نومینیشن کمیٹی کی تجاویز اور پی ایس ایل کے بقیہ چار میچز پر تبادلہ خیال کیا جائے گا ۔۔۔ اجلاس میں پاکستان کرکٹ ٹیم کی کارکردگی کا جائزہ لیا جائےگا ۔۔۔ ذرائع کےمطابق اجلاس میں قومی ٹیسٹ ٹیم کی قیادت سےمتعلق بھی فیصلہ کرلیا جائےگا۔۔ دورہ نیوزی لینڈ پر اظہرعلی کی جگہ بابراعظم کو قیادت دئے جانے کا امکان ہے۔ اظہرعلی صرف ایک بیٹسمین کی حیثیت سے دورہ نیوزی لینڈ کےلئے قومی اسکواڈ میں شامل ہوں گے۔۔ محمدرضوان کو نائب کپتان مقرر کئے جانے کا امکان ہے۔