ویسٹ انڈیز نے مسلسل دوسری کامیابی حاصل کرلی۔۔ !

ویسٹ انڈیز نے افغانستان کو دوسرے ون ڈے میچ میں سینتالیس رنز سے شکست دے کر دو میچز کی سیریز میں دو صفر کی برتری حاصل کرلی۔۔بھارت کے شہر لکھنؤ میں کھیلے گئے میچ میں افغانستان کی دعوت پر ویسٹ انڈیز نے پہلے بیٹنگ کی اور مقررہ پچاس اوورز میں نو وکٹوں پر دوسوسینتالیس رنز بنائے۔ نکولس پوران سڑسٹھ اور ایون لوئس چوون رنزبناکر نمایاں رہے۔ جواب میں افغانستان کی پوری ٹیم دو سو رنزبناکر آؤٹ ہوگئی۔ نجیب اللہ نے چھپن رنزبنائے۔ ویسٹ انڈیز کے شیلڈون کوٹریل ۔ روسٹن چیس اور ہیڈن والش نے تین تین وکٹیں حاصل کیں۔