سرفراز احمد نے اسپورٹس مین اسپرٹ کے اعلی مثال قائم کردی

حال ہی میں کرکٹ کے تینوں فارمیٹس سے پاکستان کی کپتانی سے محروم ہونیوالے سرفراز احمد کپتانی چھننے اور ٹیم سے ڈراپ ہونے کے باوجود بلند حوصلہ اور اسپورٹس میں اسپرٹ کی مٹال قائم کرتے دکھائی دے رہے ہیں

کپتانی سے برطرفی کے بعد سرفراز اتوار کو نیشنل اسٹیڈیم کراچی میں میڈیا کے سامنے آئے تو پے در پے سوالات کے باوجود بورڈ پر تنقید سے گریز اور کوچ مصباح الحق اور نئے کپتانوں بابر اعظم اور اظہر علی کو بھی سپورٹ کیا۔

سرفراز احمد نے کہا انہیں کوئی کپتانی چھننے یا ٹیم سے ڈراپ ہونے کا کوئی افسوس نہیں بلکہ ان کی توجہ اس وقت ڈومیسٹک کرکٹ پر کارکردگی پر مرکوز ہے۔ انہوں نے کہا کہ وہ اس وقت کم بیک کا کچھ نہیں کہ سکتے ۔جب اللہ کی مرضی ہوئی کم بیک ہوجائیگا

سرفراز احمد نے کہا نئی مینجمنٹ اور کپتانوں کو وقت دینا چاہئیے۔ نتائج جلد نہیں آتے۔ بابر اعظم نے دورہ آسٹریلیا میں بہت کچھ سیکھا ہوگا اور آگے جاکر وہ اچھے نتائح دیں گے۔

(تصویر بشکریہ پی سی بی)