ٹیسٹ سیریز سےقبل پاکستان کی بھرپورتیاری، دوسرا ٹور میچ بھی ڈرا

پرتھ میں کھیلےگئے دو روزہ ٹور میچ کےدوسرے دن پاکستانی باؤلرز نے عمدہ کھیل پیش کیا اور بہترین باؤلنگ کرکے ٹیسٹ سیریز قبل بھرپور پریکٹس حاصل کی۔ ٹور میچ کےدوسرے دن کرکٹ آسٹریلیا الیون نے بیٹنگ کی۔ قومی باؤلرز میزبان ٹیم کی سات وکٹیں حاصل کرپائے اور انہوں نے 246 رنزبنائے۔ پاکستان کی جانب سے محمدعباس اور محمد موسٰی نے دو دو وکٹیں حاصل کیں۔ یاسرشاہ اور افتخاراحمد نے ایک ایک کھلاڑی کو آؤٹ کیا۔ پاکستان فاسٹ باؤلنگ کا مستقبل قرار دیئے جانے والے نوجوان فاسٹ باؤلر نسیم شاہ کوئی وکٹ توحاصل نہیں کرسکے۔ لیکن انہوں نے 12 اوور کرائے جس میں 58 رنزدئے اور تیزترین باؤلنگ کا مظاہرہ کیا۔ میچ کے پہلے دن پاکستان نے سات وکٹوں پر 386 رنزبنائے تھے اور پاکستان نے اسی اسکور پر اننگز ڈکلیئر کردی۔ پاکستان اور آسٹریلیا کےدرمیان ٹیسٹ سیریز کا 21 نومبر سے ہوگا۔