قومی کرکٹربابراعظم ۔۔۔ پاکستان کے وزیراعظم ۔۔۔ !

سابق کرکٹر اور پاکستان کو ورلڈچیمپیئن بنانےوالے کپتان عمران خان اس وقت پاکستان کے وزیراعظم ہیں۔ لیکن آسٹریلیا کے ایک کرکٹر نے موجودہ قومی ٹی ٹوئنٹی ٹیم کےکپتان بابراعظم کو پاکستان کا وزیراعظم بنادیا۔ آسٹریلیا کے میڈیا چینل نے آسٹریلیا کرکٹ ٹیم کے کھلاڑیوں سے مزاحیہ سوال و جواب کے دوران ، پاکستان اور نیوزی لینڈ کے وزیراعظم کے نام پوچھے۔ اسٹیوون اسمتھ ، میتھیو ویڈ سمیت چند کھلاڑی دونوں ممالک وزیراعظم کے بارے میں بالکل آگاہ نہیں۔ جبکہ عثمان خواجہ اور پیٹ کمنز سمیت چند کھلاڑیوں نے بالکل درست جواب دیا۔ آسٹریلیا کے فاسٹ باؤلر پیٹرسڈل سے جب یہ سوال پوچھا گیا تو وہ نیوزی لینڈ کی وزیراعظم کے بارے میں تو بالکل نہیں بتاسکے لیکن جب پاکستان کےوزیراعظم کا نام ان سے پوچھا گیا تو انکا جواب بابراعظم تھا۔