کرکٹ بورڈ کا بڑا فیصلہ، اہم فاسٹ باؤلر پہلے ٹیسٹ میچ سے باہر

پاکستان اور آسٹریلیا کےدرمیان پہلے ٹیسٹ میچ سے قبل آسٹریلوی کرکٹ بورڈ نے بڑا فیصلہ لیتے ہوئے فاسٹ باؤلر جیمز پیٹنسن پر ایک میچ کی پابندی عائد کردی۔۔ جسکےباعث وہ اکیس نومبر سے برسبین میں کھیلے جانے والے پہلے ٹیسٹ میچ سے باہر ہوگئے ہیں۔ جیمز پیٹنسن پر پابندی آسٹریلوی فرسٹ کلاس ٹورنامنٹ شیفلڈ شیلڈ ٹرافی میں ضابطہ اخلاق کی خلاف ورزی پر عائد کی گئی۔ جیمز پیٹنسن رواں سال تیسری مرتبہ ضابطہ اخلاق کی خلاف ورزی کے مرتکب ہوئے ہیں جسکے باعث ان پر پابندی عائد کی گئی اور مزید خلاف ورزی کی صورت میں جیمز پیٹنسن کو چھ ٹیسٹ میچ یا بارہ ون ڈے میچز کےلئے معطل کیا جاسکتا ہے۔