پاکستان کرکٹ بورڈ میں تبدیلیوں کی ہوا چل پڑی

پاکستان کرکٹ بورڈ کے چیف ایگزیکٹو وسیم خان نے بڑا فیصلہ کرلیا۔۔ وسیم خان کرکٹ کمیٹی کے چیئرمین کے عہدے سے دستبردار ہوگئے۔۔۔ چیئرمین پی سی بی احسان مانی نے سابق کرکٹر محسن حسن خان کے کرکٹ کمیٹی سے الگ ہونے کےبعد وسیم خان کو کرکٹ کمیٹی کا چیئرمین مقررکیا تھا۔۔۔ وسیم خان کےبھی کرکٹ کمیٹی سے الگ ہونے کےبعد چیئرمین پی سی بی احسان مانی کا کہناہےکہ کسی سابق کرکٹر کو کرکٹ کمیٹی کا چیئرمین منتخب کیا جائےگا۔ کرکٹ کمیٹی آزادانہ حیثیت میں کام کرے گی اور اسکی الگ اہمیت ہوگی۔۔ کرکٹ کمیٹی کےچیئرمین کا اعلان جنوری میں کیا جائےگا۔۔ انکے علاوہ نیشنل کرکٹ اکیڈمی کے ڈائریکٹر مدثر نذر نے بھی معاہدے میں توسیع نہ لینے کا فیصلہ کیا ہے۔۔ مدثر نذر کا معاہدہ مئی دوہزار بیس میں ختم ہوگا۔