ویسٹ انڈیز کرکٹ ٹیم بڑی ذلت سے بال بال بچ گئی

آئرلینڈ کےخلاف ون ڈے سیریز کےدوسرے میچ میں ویسٹ انڈیز کرکٹ ٹیم شکست سے بال بال بچ گئی۔ برج ٹاؤن میں کھیلےگئےمیچ میں ویسٹ انڈیز نے آئرلینڈ کو بامشکل ایک وکٹ سے شکست دی۔ میچ میں آئرلینڈ نے پہلےبیٹنگ کرتےہوئے پچاس اوورز میں نو وکٹوں پر دوسوسینتیس رنزبنائے۔ پال اسٹرلنگ نے تریسٹھ ۔ سیمی سنگھ نے چونتیس اور کیون او برائن نے اکتیس رنزبنائے۔ ہدف کےتعاقب میں ویسٹ انڈیز کی وکٹیں بھی وقفے وقفے سے گرتی رہیں۔ ویسٹ انڈیز کی ٹیم بامشکل آخری اوور میں ایک گیند قبل نو وکٹوں پر ہدف حاصل کرنے میں کامیاب ہوئی۔ نکولس پوران نے باون اور ہیڈن والش نے ناقابل شکست چھیالیس رنزبنائے۔ تین ون ڈے میچز کی سیریز میں ویسٹ انڈیز کو دو صفر کی ناقابل شکست برتری حاصل ہوگئی ہے۔