ویرات کوہلی نے ایک اور بڑا عالمی ریکارڈ بنادیا

بھارتی کرکٹ ٹیم کےکپتان ویرات کوہلی کو رنز مشین کہاجاتا ہے۔ ویرات کوہلی ایک کےبعد ایک ریکارڈ اپنے نام کرتے جارہے ہیں اور سری لنکا کے خلاف تیسرے ٹی ٹوئنٹی میچ میں کوہلی نے ایک اور بڑا عالمی اعزاز اپنے نام کرلیا۔۔ ویرات کوہلی انٹرنیشنل کرکٹ میں بحیثیت کپتان تیزترین 11 ہزار رنزمکمل کرنے والے دنیا کےپہلے کرکٹر بن گئے۔ ٹیسٹ ، ون ڈے اور ٹی ٹوئنٹی تینوں فارمیٹ میں مجموعی طور پر بحیثیت کپتان ویرات کوہلی نے 196 اننگز میں 11 ہزار رنز مکمل کرکے ریکارڈ اپنے نام کیا ۔ اس سے قبل آسٹریلیا کے رکی پوٹنگ نے 252 اننگز ۔ جنوبی افریقا کے گریم اسمتھ نے 264 اننگز اور آسٹریلیا کے ایلن باڈر نے 316 اننگز میں 11 ہزار رنز مکمل کئےتھے۔