فاسٹ باؤلر سےالجھنا مہنگاپڑگیا، 2 سال کی پابندی لگ گئی

نیوزی لینڈ کرکٹ بورڈ نے انگلینڈ کےفاسٹ باؤلر جوفرا آرچر پر نسل پرستی پرمبنی جملے ادا کرنے والے شخص پر دو سال کی پابندی عائد کردی ہے۔ پابندی کا شکار شخص دو سال تک انٹرنیشنل کے علاوہ ڈومیسٹک کےمیچز دیکھنے بھی کسی اسٹیڈیم میں نہیں جاسکے گا۔۔ گزشتہ ماہ انگلینڈ کے دورہ نیوزی لینڈ کےدوران ماؤنٹ منگونی میں کھیلےگئے ٹیسٹ میچ کےدوران واقعہ پیش آیا تھا۔ جوفرا آرچر کے آؤٹ ہونے کےبعد پویلین لوٹتے وقت تماشائیوں میں بیٹھے ایک شخص نے آرچر پر نسل پرستانہ جملے کسے تھے۔ جسکی جوفرا آرچر نے شکایت جمع کرائی۔ اور سوشل میڈیا پر بھی اس واقعے کی پوسٹ کی تھی۔