ملتان سلطانز بمقابلہ پشاور زلمی، ٹرننگ پوائنٹ کیا تھا ؟

ملتان کےکرکٹ میدان بھی پاکستان سپرلیگ کےمقابلوں سےآباد ہوگئے۔ ملتان میں کھیلےگئے پاکستان سپرلیگ کےپہلے میچ میں ہوم ٹیم ملتان سلطانز نے پشاور زلمی کو دلچسپ مقابلے کےبعد شکست دی۔ دونوں ٹیموں کےدرمیان یہ میچ زیادہ ہائی اسکورنگ نہ رہا اور میچ میں باؤلرز حاوی رہے۔ ملتان کو ایک سوچوبیس رنز کا آسان ہدف ملا لیکن ٹیم کےابتدائی کھلاڑیوں کے جلد آؤٹ ہونے سے پشاور کی ٹیم کےلئے بھی میچ جیتنے کا موقع بنا۔ لیکن کھلاڑیوں کی ناقص فیلڈنگ نے رسوو کو سنبھلنے کا پورا موقع دیا اور پھر انہوں نے 49 رنز کی ناقابل شکست اننگز کھیل کر ٹیم کو جیت دلادی۔ زلمی ٹیم نےملتان سلطانز کےکھلاڑیوں کے تین کیچ ڈراپ کئے جو میچ کا ٹرننگ پوائنٹ ثابت ہوئے اور سلطانز نے میچ جیت لیا۔