پشاور زلمی اور رہڈبل مل کر ٹیلنٹ ہنٹ کریں گے

پاکستان سپر لیگ کی فرنچائز پشاور زلمی نے ٹیلنٹ کی تلاش کے لیے انرجی ڈرنک ریڈ بال سے ہاتھ ملالیا ہے۔ دونوں ادارے مل کر پاکستان میں کرکٹ کے علاوہ دیگر کھیلوں کے فروغ کے لیے بھی کام کریں گے۔

پاکستان سپر لیگ کی فرنچائز پشاور زلمی ملک میں کرکٹ کا ٹیلنٹ تلاش کرنے کے لیے صف اول پر کھڑی نظر آتی ہے ۔ آئندہ کرکٹ سیزن میں ریڈ بل کے تعاون سے انٹرنیشنل ٹی ٹوئنٹی ٹورنامنٹ کالج کرکٹ ٹیم کے درمیان کرایا جائے گا اور اس میں سے بہترین کھلاڑی زلمی کیمپ میں شریک ہوسکیں گے۔
پشاور زلمی کے چیئرمین جاوید آفریدی نے اس پرمسرت موقع پر کہا کہ ریڈ بل اور زلمی کے درمیان پارٹنر شپ ایک بڑی پیشرفت ہے اور اس کے ذریعے پاکستان کے نوجوان ٹیلنٹ کو سامنے لایا جاسکے گا ہم نوجوانوں کو مواقع فراہم کرنے کے لیے ریڈ بل کے ساتھ مل کر کام کرتے رہیں گے۔
پشاور زلمی کے چیف کمرشل آفیسر نوشیروان آفندی کا کہنا ہے کہ ریڈ بل کا دنیائے کھیل میں ایک اہم کردار ہے اور ہم بھی ان کے ساتھ مل کر اپنے نوجوانوں کو کرکٹ کے علاوہ دیگر کھیلوں میں بھی مواقع فراہم کریں گے۔

پارٹنر شپ کا آغاز ‘That One Inning’ ویڈیو سیریز کے ذریعے ہوگیا ہے جس میں شعیب ملک ، امام الحق اور دیگر پاکستانی اسٹارز اپنے کیریئر کے بہترین لمحات شیئر کررہے ہیں اور یہ بھی بتائیں گے کہ وہ کھیل کے لیے کس طرح فٹ رہتے ہیں۔
‘That One Inning’ کا آغاز جون کے پہلے ہفتے سے ہوگا۔