کراچی اور اسلام آباد والوں ۔۔ تیار ہو ؟؟؟

پاکستان سپرلیگ میں آج چھٹی کےروز شائقین ایک میچ سےلطف اندوز ہوسکیں گے۔ پی ایس ایل کی سابق چیمپیئن اسلام آباد یونائیٹڈ ہوم گراؤنڈ پر ان ایکشن ہوگی۔ یونائیٹڈ کا مقابلہ پنڈی اسٹیڈیم میں کراچی کنگز سےہوگا۔ میچ رات سات بجےشروع ہوگا۔
راولپنڈی میں گزشتہ دو روز سےبارش کا سلسلہ جاری تھا۔ محکمہ موسمیات نےآج موسم خوشگوار رہنے کی خوشخبری سنائی ہے۔
پی ایس ایل میں اسلام آباد یونائیٹڈ کی ٹیم نے پانچ میں سےدو میچز میں کامیابی حاصل کی ہے۔ دو میچز میں شکست ہوئی اور ایک میچ بےنتیجہ رہا۔ کراچی کنگز کی ٹیم تین میچ کھیل کر ایک میں ہی فتح حاصل کرسکی ہے۔
پی ایس ایل کی تاریخ میں اسلام آباد یونائیٹڈ اور کراچی کنگز کےدرمیان بارہ میچز ہوئےہیں۔ آٹھ میں یونائیٹڈ کامیاب رہے ۔ چار میں فتح کنگز کا مقدر بنی۔