بین ڈنک اور لاہور قلندرز نے ریکارڈ بک پاش پاش کردی

لاہور قلندرز کی ٹیم بلاآخر پی ایس ایل فائیو میں جیت کا کھاتہ کھولنے میں کامیاب ہوگئی۔ لاہور قلندرز نے کوئٹہ گلیڈی ایٹرز کو سینتیس رنز سے نہ صرف شکست دی بلکہ میچ میں ریکارڈ بھی بناڈالے۔ لاہور قلندرز نے پی ایس ایل کےپانچویں سیزن کا سب سے بڑا اسکور کرنے کا اعزاز حاصل کیا۔ قلندرز نے بیس اوورز میں پانچ وکٹوں پر دوسونو رنزاسکور کئے۔ اس سے قبل دوسوایک رنز کراچی کنگز کا بہترین اسکور تھا۔
میچ میں لاہور قلندرز کے بین ڈنک نے تینتالیس گیندوں پر تین چوکوں اور دس چھکوں کی مدد سے تیرانوے رنز کی طوفانی اننگز بھی کھیلی۔ بین ڈنک پی ایس ایل کی تاریخ میں ایک اننگز میں سب سے زیادہ چھکے لگانے والے بیٹسمین بھی بن گئے۔