کوئٹہ گلیڈی ایٹرز کےپاس اب آگے جانے کا کیا موقع ؟

لاہور میں تیزبارش کےباعث ملتان سلطانز اور کوئٹہ گلیڈی ایٹرز کا میچ منسوخ کردیا گیا۔۔ قذافی اسٹیڈیم میں پانی جمع ہونے اور مسلسل بارش کےباعث امپائرز نےمیچ ختم کرنےکااعلان کیا اور دونوں ٹیموں کو ایک ایک پوائنٹ دے دیا گیا۔
دفاعی چیمپیئن کوئٹہ کی اگلےمرحلےمیں رسائی اگرمگرسےدوچار ہوگئی ہے۔ گلیڈی ایٹرز کو کراچی کنگزکےخلاف اپنےآخری میچ میں فتح کےساتھ اسلام آباد اور لاہور کی ٹیموں کےشکست کا بھی انتظار کرنا ہوگا۔ پوائنٹس ٹیبل پر ملتان سلطانز آٹھ میچز میں بارہ پوائنٹس کےساتھ سرفہرست ہے۔ پشاور کےنو میچز نو جبکہ لاہور کے آٹھ میچز میں آٹھ پوائنٹس ہیں۔ اسلام آباد ۔ کراچی اور کوئٹہ کےسات سات پوائنٹس ہیں اور انکا بالترتیب چوتھا ۔ پانچواں اور چھٹا نمبر ہے۔