لیجنڈ کرکٹر جاویدمیانداد کا بڑا مطالبہ

پاکستان کرکٹ کی تاریخ کے عظیم ترین بیٹسمین جاویدمیانداد نے فکسنگ میں ملوث کھلاڑیوں کو پھانسی دینے کا مطالبہ کردیا ہے۔ جاویدمیانداد کا کہنا ہے کہ اسپاٹ فکسنگ میں ملوث کھلاڑیوں کو کسی صورت معاف نہیں کرنا چاہیے۔ ایسے کھلاڑی اپنے والدین اور اہلخانہ سے مخلص نہیں ہوتے۔ فکسنگ میں ملوث کھلاڑی پیسے بناتے ہیں اور پھر اپنے ذرائع استعمال کرکے دوبارہ ٹیم میں آجاتے ہیں۔ یہ تمام چیزیں ہماری مزہبی تعلیمات کےبھی سراسر منافی ہیں۔ پی سی بی کو ایسے لوگوں کو معاف کرنے کے بجائے سخت سزا دینی چاہئے اور انہیں پھانسی پر لٹکانا چاہیئے۔ فکسنگ میں ملوث کھلاڑیوں کی حمایت کرنے والوں کو بھی خود شرمسار ہونا چاہئے۔