قومی کرکٹرز کےتمام خدشات دور ہوگئے ؟؟

۔ دورہ انگلینڈ سےمتعلق پی سی بی نے کھلاڑیوں کو بریفنگ دی۔ جس میں سی ای او وسیم خان ، ڈائریکٹر انٹرنیشنل کرکٹ ذاکرخان ۔ ڈاکٹرسہیل سلیم اور کوچ مصباح الحق بھی شامل تھے۔ پی سی بی نے دورہ انگلینڈ پر کھلاڑیوں کی صحت پر کسی بھی قسم کا سمجھوتہ نہ کرنے کی یقین دہانی کرائی ہے جبکہ کھلاڑیوں کے پاس دورے سے دستبردار ہونے کا بھی آپشن ہے۔۔ بریفنگ میں کھلاڑیوں کو بتایاکہ ٹیسٹ اور ٹی ٹوئنٹی دونوں سیریز کےلئے پچیس کھلاڑیوں کو انگلینڈ لےجانے کا پلان ہے۔ جو دورے کےاختتام تک وہیں رہیں گے۔ کھلاڑیوں کو آئندہ تین ماہ بائیو سیکیور ماحول میں رہنا پڑے گا۔ اور اس سلسلے میں کھلاڑیوں کو آگاہ کیا جاتا رہےگا۔ پی سی بی نےکھلاڑیوں کو بریفنگ دی کہ آئی سی سی کی گائیڈ لائنز کےمطابق جون میں ٹریننگ سیشن کی منصوبہ بندی کررہے ہیں۔