سینٹرل کانٹریکٹ میں تنزلی، سرفرازاحمد بلاآخر بول پڑے

پاکستان کرکٹ بورڈ کے دوہزار بیس اور اکیس سیزن کے اعلان کردہ سینٹرل کانٹریکٹ میں سابق کپتان سرفرازاحمد کو اے کیٹگری سے نکال کر بی کیٹگری میں ڈال دیا گیا تھا۔ سینٹرل کانٹریکٹ میں تنزلی پر سرفرازاحمد کا بیان سامنے آگیا۔ پی سی بی کے پوڈکاسٹ پر جاری کردہ انٹرویو میں سرفرازاحمد نے کہا کہ سینٹرل کانٹریکٹ کی اے یا بی کیٹگری انکےلئے کوئی معنی نہیں رکھتی ہے۔ اس وقت انکی تمام تر توجہ قومی ٹیم میں واپسی کرنے پر مرکوز ہے۔ سرفرازاحمد نے کہاکہ کیرئیر میں اتار چڑھاؤ آتے رہتے ہیں۔ سینٹرل کانٹریکٹ میں شامل تمام کرکٹرز بہترین کھلاڑی ہیں۔