رمیزراجہ نےمحمدحفیظ سےمعافی مانگنے کا مطالبہ کردیا

پی سی بی کی جانب سے دورہ انگلینڈ کےلئے اعلان کردہ کھلاڑیوں کےکورونا ٹیسٹ کروائے گئے۔ جس میں محمدحفیظ کا پہلا ٹیسٹ مثبت آیا۔ حفیظ نے ٹیسٹ مثبت آنے کےبعد اگلے ہی روز نجی لیب سے انفرادی طور پر ایک ٹیسٹ کروایا جسکی رپورٹ منفی آنے پر محمدحفیظ نے رپورٹ سوشل میڈیا پر پوسٹ کردی۔ پی سی بی نے محمدحفیظ کو اس عمل پر تنبیہ کی ۔ سابق کرکٹر رمیزراجہ نے محمدحفیظ کے اس عمل کو ڈسپلن کی خلاف ورزی قرار دیا۔ رمیزراجہ کا کہنا ہےکہ محمدحفیظ کو رپورٹ سوشل میڈیا پر پوسٹ کرنے کےبجائے پی سی بی سے رابطہ کرنا چاہئے تھا۔ محمدحفیظ کو اپنے اس عمل پر عوام سے معافی مانگنی چاہئے۔