ُپاک زمبابوے سیریز، کون اِن کون آؤٹ ؟

زمبابوے کے خلاف ون ڈے اور ٹی ٹوئنٹی سیریز کیلیے قومی اسکواڈ کا اعلان کل متوقع ہے۔پاکستان کرکٹ بورڈ پریس ریلیز کے ذریعے زمبابوے کے خلاف ٹیم کا اعلان کرے گا۔ ون ڈے اور ٹی ٹوئنٹی سیریز کیلیے بائیس یا تیئیس کھلاڑیوں کے ناموں کا اعلان کیا جا سکتا ہے۔ سیریز سے قبل انٹرا اسکواڈ ون ڈے میچز بھی پلان کیے جارہے ہیں۔ زمبابوے کےخلاف سیریز میں نیشنل ٹی ٹوئنٹی میں عمدہ کارکردگی دکھانے والے نوجوان کھلاڑیوں کو کھلائے جانے کا امکان ہے۔۔۔ خوشدل شاہ ۔ عبداللہ شفیق کو موقع مل سکتا ہے۔۔ انجرڈ نسیم شاہ کی جگہ محمدموسٰی کی شمولیت متوقع ہے۔ آل راؤنڈر فہیم اشرف کو بھی شامل کئےجانے کا امکان ہے۔۔ فاسٹ باؤلر وہاب ریاض بھی اسکواڈ میں شامل ہوں گے۔ دوسرے وکٹ کیپر کےلئے روحیل نذیر کا نام زیرغور ہے۔ سرفرازاحمد کا ٹیم میں جگہ برقرار رکھنا مشکل ہے۔ پاکستان اور زمبابوے کی ٹیموں کے درمیان تین ٹی ٹوینٹی میچز کی سیریز تیس اکتوبر سے پنڈی کرکٹ اسٹیڈیم میں کھیلی جائے گی ۔۔۔ زمبابوے کی ٹیم بیس اکتوبر کو پاکستان پہنچے گی۔