دنیائے کرکٹ کا بڑا نام پاکستان سپر لیگ سے باہر

جنوبی افریقا کے سابق کپتان اے بی ڈی ویلیرز پاکستان سپر لیگ سے دستبردار ہوگئے اور اپنے فیصلے سے اپنی ٹیم لاہور قلندرز کو بھی آگاہ کردیا

پاکستان سپر لیگ کے ڈرافٹس پانچ دسمبر کو لاہور میں منعقد ہوں گے ۔لیگ سے پہلے تمام چھ فرنچائزز کو اسکواڈ سے آٹھ کھلاڑیوں کو برقرار اور باقی کرکٹرز کو ریلیز کرنا ہے۔

ڈرافٹس سے پہلے ہی اے بی ڈی ویلیرزنے لاہور قلندرز کو اپنی عدم دستیابی سے آگاہ کردیا ہے کہ وہ اپنے دیگر ایونٹس میں شرکت اور ورک لوڈ مینجمنٹ کی وجہ سے پی ایس ایل میں شریک نہیں ہوں گے