مکی آرتھر کی ایک بار پھر پاکستان واپسی

پاکستان کرکٹ ٹیم کے سابق ہیڈ کوچ مکی آرتھر مخالف ٹیم کے کوچ کی حیثیت سے اگلے ماہ پاکستان آسکتے ہیں۔۔ مکی آرتھر سری لنکن کرکٹ ٹیم کی کوچنگ کے لئے مضبوط امید وار ہیں۔ سری لنکن میڈیا کے مطابق انھیں اگلے ماہ شیڈول دورہ پاکستان پر کنسلٹنٹ کی ذمہ داری بھی دی جاسکتی ہے۔ اور دورہ پاکستان کے بعد مکی آرتھر باقاعدہ سری لنکن ٹیم کے کوچ مقرر کردئے جائیں گے۔۔ مکی آرتھر کو حال ہی میں پاکستان ٹیم کی کوچنگ سے فارغ کیا گیا ہے ۔۔۔ پی ایس ایل فرنچائز کراچی کنگز نے بھی انھیں برخاست کرکے اسلام آباد یونائیٹڈ کے ہیڈ کوچ ڈین جونز کو اپنا کوچ بنالیا ہے۔ خیال رہے کہ سری لنکن کرکٹ ٹیم دو ٹیسٹ میچوں کی سیریز کے لیے دسمبر میں پاکستان کا دورہ کرے گی۔