پی ایس ایل فائیو سے قبل پشاور زلمی کا بڑا اعلان

مکڈونلڈز پاکستان اور پشاور زلمی کے درمیان کامیاب پارٹنرشپ کی ہیٹ ٹرک

میڈیا اور برانڈ ویلیو کے لحاظ سے پی ایس ایل کی نمبرون فرنچائز اور مکڈونلڈز پاکستان کے درمیان مسلسل تیسرے سال پارٹنرشپ کا معاہدہ طے پا گیا ۔ مکڈونلڈز پاکستان مسلسل تیسرے سال پشاور زلمی کا اسپانسر اور زلمی کی پلئینگ کٹ کا حصہ ہوگا۔ پشاور زلمی کے چیرمین جاوید آفریدی اور میکڈونلڈز پاکستان کے ڈائریکٹر مارکیٹنگ علی رضا نے لاہور میں ایم او یو پر دستخط کیے۔ پشاور زلمی کے چیرمین جاوید آفریدی نے کہا پاکستان سپر لیگ کے پورے سیزن کا پاکستان میں انعقاد تاریخی موقع ہے۔ مجھے خوشی ہے کہ گزشتہ دو سیزنز کی طرح میکڈونلڈز پاکستان پشاور زلمی کے ساتھ پارٹنرشپ کا حصہ ہے اور یہ کامیاب شراکت انشاللہ آگے بھی جاری رہے گی۔ میکڈونلڈز پاکستان کے ڈائریکٹر مارکیٹنگ علی رضا نے کہا کہ پشاور زلمی کے ساتھ مسلسل تیسرے سال اسپانسر شپ پر خوشی ہے۔ میکڈونلڈز پاکستان کھیلوں کے فروغ میں اپنا کردار ادا کرتا رہے گا۔