مایہ ناز کرکٹر کی انٹرنیشنل کرکٹ میں واپسی

ویسٹ انڈیز کے آل راؤنڈر ڈوائن براوو ایک بار پھر کرکٹ کےمیدانوں پر رنگ جمانے کےلئے تیارہیں۔ براوو کو 3 سال سے زائد عرصہ بعد ایک بار پھر ویسٹ انڈیز کی ٹیم میں شامل کرلیا گیا۔ ڈوائن براوو کو آئرلینڈ کےخلاف ٹی ٹوئنٹی سیریز کےلئے ویسٹ انڈیز کی ٹیم میں شامل کیا گیا ہے۔ ڈوائن براوو نے آخری میچ دوہزارسولہ میں پاکستان کےخلاف کھیلا تھا۔ جسکےبعد براوو نے ریٹائرمنٹ لے لی تھی۔ لیکن چند ماہ قبل براوو نے ریٹائرمنٹ واپس لے لی تھی۔ ویسٹ انڈیز کرکٹ بورڈ نے رواں برس ٹی ٹوئنٹی ورلڈکپ کے پیش نظر ٹیم کو مضبوط بنانے کےلئے براوو کو واپس ٹیم میں شامل کیا ہے۔