ہوم گراؤنڈ پر بھی لاہور قلندرز کےحالات بدل نہ سکے

ہوم گراؤنڈ اور کپتان بدلنے کےباوجود لاہور قلندرز کی حالات نہ بدل سکے۔ ایم سی سی ٹیم نے ٹی ٹوئنٹی میچ میں لاہور قلندرز کو چار وکٹوں سے شکست دے دی۔۔قذافی اسٹیڈیم میں کھیلےگئےمیچ میں لاہورقلندرز نےپہلےبیٹنگ کرتے ہوئے بیس اوورز میں پانچ وکٹوں پر ایک سو پینتیس رنزبنائے۔ فخرزمان پینتالیس اور سہیل اختر چالیس رنزبناکر نمایاں رہے۔ جواب میں ایم سی سی کی ٹیم نے آخری اوور کی دوسری گیند پر چھ وکٹوں کےنقصان پر ہدف حاصل کرلیا۔ روی بوپارہ نے بیالیس ۔ سمت پٹیل نےاکتیس اور کمارسنگاکارا نے پچیس رنزبنائے۔ ایم سی سی کی ٹیم دورہ پاکستان میں اگلا میچ سولہ فروری کو پاکستان شاہینز کےخلاف کھیلےگی۔