پی ایس ایل 5 میں پشاور زلمی کا کپتان کون ہوگا، پردہ اٹھ گیا۔۔۔

پاکستان سپرلیگ کے آغاز میں اب چند روز ہی باقی ہیں۔ پشاور زلمی کے شائقین کو ٹیم کے کپتان کا انتظار تھا۔ جس پر ٹیم کے ہیڈ کوچ محمد اکرم نے پردہ اٹھادیا ۔ کراچی میں اوپن میڈیا سیشن میں محمد اکرم نے کہاکہ کپتان کے اعلان کی ضرورت نہیں ہے۔ 3 سالوں سے جو ٹیم کے کپتان ہیں وہیں رہیں گے۔ واضح رہے گزشتہ 3 سالوں سے ڈیرن سیمی پشاور زلمی کی قیادت کررہے ہیں۔ اس موقع پر محمد اکرم نے کہاکہ وہ ٹیم کے نائب کپتان کا اعلان کرناچاہیں گے۔ پی ایس ایل 5 میں وہاب ریاض پشاور زلمی کے نائب کپتان ہوں گے۔