لاہور کو پی ایس ایل میں پھرشکست، قلندرز سے کہاں غلطی ہوئی

لاہور قلندرز کی شکستوں کا سلسلہ پی ایس ایل فائیو میں بھی نہ تھم سکا۔ ملتان سلطانز نے لاہور قلندرز کو باآسانی پانچ وکٹوں سے ہرادیا۔ قذافی اسٹیڈیم میں کھیلےگئے میچ میں ملتان سلطانز نےٹاس جیت کر لاہور قلندرز کو بیٹنگ کی دعوت دی تو کرس لین اور فخرزمان نے دھواں دھار آغاز کیا۔ دونوں بلےبازوں نےجارحانہ بیٹنگ کا مظاہرہ کیا۔ لیکن چھٹے اوور میں معین علی نے پہلے کرس لین اور پھر دو گیندوں بعد فخرزمان کو آؤٹ کرکے لاہور قلندرز کےبڑھتے قدم روک دئے۔ ایک ہی اوور میں دو وکٹیں گرنا میچ کا ٹرننگ پوائنٹ ثابت ہوا اورپھر لاہور قلندرز کی ٹیم میچ میں دوبارہ واپس آہی نہ سکی۔