پی ایس ایل پوائنٹس ٹیبل ، کونسی ٹیم کہاں موجود ؟

پاکستان سپرلیگ کےپانچویں سیزن میں کراچی اور لاہور کےاسٹیڈیم میں ابتدائی میچز مکمل ہوگئے ہیں۔ لیگ کےسات میچز کے اختتام پر دفاعی چیمپیئن کوئٹہ گلیڈی ایٹرز اور اسلام آباد یونائیٹڈ نے تین تین میچز کھیلےہیں جبکہ باقی چاروں ٹیموں نے دو دو میچز کھیلےہیں۔
پوائنٹس ٹیبل پر اسلام آباد یونائیٹڈ کی ٹیم ٹاپ پوزیشن پرموجود ہے۔ اسلام آباد یونائیٹڈ نے تین میچز میں سے 2 جیتے ہیں اور ایک میں شکست ہوئی۔ یونائیٹڈ ٹیم کے 4 پوائنٹس ہیں۔
پوائنٹس ٹیبل پردوسری پوزیشن پرموجود کوئٹہ گلیڈی ایٹرز نے بھی تین میچز میں دو جیتے ہیں اور ایک میں شکست ہوئی۔ جبکہ اسکے بھی چار پوائنٹس ہیں۔ لیکن کم رن ریٹ کےباعث دوسرانمبر ہے۔
پشاور زلمی ۔ ملتان سلطانز اور کراچی کنگز کی ٹیمیں بالترتیب تیسری ۔ چوتھی اور پانچویں پوزیشن پر ہیں۔ تینوں ٹیموں کے دو دو پوائنٹس ہیں اور تینوں نے دو دو میچ کھیل کر ایک میں کامیابی حاصل کی ہے۔
پوائنٹس ٹیبل پر لاہور قلندرز کی ٹیم سب سے آخری پوزیشن پرموجود ہے۔ لاہور قلندرز نے دو میچ کھیلےہیں لیکن وہ اب تک ایک بھی کامیابی حاصل نہیں کرسکے ہیں ۔