پشاور زلمی بمقابلہ ملتان سلطانز، تاریخ کیا کہتی ہے ؟

پی ایس ایل کی تاریخ میں پشاور زلمی اور ملتان سلطانز دونوں ٹیمیں کا ریکارڈ برابری کا ہے۔۔ پاکستان سپرلیگ کی تاریخ میں پشاور زلمی اور ملتان سلطانز کی ٹیمیں جب بھی مدمقابل آئیں شائقین کو دلچسپ اور سنسنی خیز میچز دیکھنےکوملے۔دونوں ٹیمیں پی ایس ایل میں مجموعی طور پر چار مرتبہ مدمقابل آچکی ہیں۔ دو میچز میں پشاور زلمی نےمیدان مارا اور دو میچ ملتان سلطانز کےنام رہے۔پشاور زلمی کا ملتان کےخلاف بہترین اسکور تین وکٹوں پرایک سوچہتررنز ہے۔ جبکہ کم ترین اسکور چھ وکٹوں پرایک سواکیاون رنز ہے۔ دونوں اسکور دبئی میں اسکور بورڈ کی زینت بنے۔سلطانز نےزلمی کےخلاف زیادہ سے زیادہ تین وکٹوں پر ایک سوتیراسی رنز دبئی میں بنائےہیں۔ جبکہ بدترین کارکردگی شارجہ میں رہی جب پوری ٹیم ایک سوپینتالیس رنزپرڈھیرہوگئی۔